هكتب ايه

ماسك قلمي
ومش عارف افكر
اكتب بيه انا ايه
ولا حاسس بيه جوه
ايديا
وبفكر محتار
انا ليه

ارسم بيه
ضحكه لصبيه
كتب كتابها
بعد يومين
واكتب علشانها
أغنيه
وحكايتها من
 سطرين
كانت تحلم
تبقي عروسه
بتحلم امتي
يجيلها عريسها
لكن حلمها
ضاع قدامها
والدنيا بتقتل
أحلامها
لما خيالها
يبقي سراب
لما الفقر
يدق الباب
والحزن يبقي
في جواب
والله الحزن
يا ناس
غلاب
هي عشان
بنت غلبانه
اهلها حالهم
بس كافيهم
يبقي هتبقي
لعبه لدنيا
والأحزان دي
هتلعب بيها

والصورة التانيه
في خيالي
شاب ..كان
طول عمره
مثالي
في ذكائه
مفيش اتنين
ولا حاله
ولا حالتين
لكن يا خسارة
أحلامه
ضاعت في
الدنيا الغداره
بقي حريف
في ضياع أحلامه
بيضيعها بكل
مهاره
بس يا ناس
دي حكايته
حكايه
جاب في الثانويه
النهائيه
دخل الجامعه
بكل شطاره
واتميز فيها
بجداره
لما اتخرج
والاحلام
قدامه كتيره
لقي أصحابه
علي القهاوي
ذيه آلاف
وبنفس السيره

ولا ارسم
ضحكه في عيون
طفل بريء
شقي ومجنون
كانت فرحته
ماليه الكون
وجاله الغدر
بكل جنون
ضاعت أمه
ومات أبوه
ومحدش بقي
عايش ليه
ماتوا في الدنيا
وسابوه
ومحدش بيفكر
فيه
كانوا عايشين
عادي في حالهم
ولا في الدنيا
شاغل بالهم
جم اتنين
خونه ويهود
يقتلوا في الحاره
قدامهم
قام الأب ويا
ولاده
يجري ...
يهرب......
يروح .....
لبعيد
لكن مش
 أبعد من
طلقه...
بقي دمه...
من كل
 وريد

قولي يا قلمي
انا هكتب ايه
أوصف أحلامنا
المهدورة
ولا اكتب قصه
واسطورة
واحكي فيها
من أوهامي
لكن حزني
هيبقي الصورة
مهما هحاول
 أني اجمل
وارسم
زهرة وسط
 ميدان
هلقي النار
 حوليها تاكلها
والأحزان
 ماليه الأركان
وبتسألني
 أكتب ايه
هرسم ليه
للحزن علامه
في قلوبنا
هتبقي محفورة
هرسم ليه
أنا صورة حزينه
فيها الفرحه أكيد
مهجورة