يا اقصي القلب بينادي
عليك ويقول
ويصرخ يبكي يا بلادي
ده مين مسؤول
ومين فرط في حق ولاده
وبلاده وكان مشغول
دموع العين بقت زايله
عليها الكل يتحايل
بتنزل بس بالتنقيط
وكله لهمه بقي شايل
وكله بحاله في الدنيا
بقي مهووس
يفكر ايه وامتي ازاي
يجمع كل يوم في فلوس
واقصي صرخته في عنيه
دماء أطفاله ماليه ايديه
يتامي كل يوم والتاني
بيزيدوا
صهاينه بيقتلوا ويقولوا
ويعيدوا
محدش فينا قال
بس خلاص و كفايه
وكله سكوته عاش جواه
وقال الغدر ليه نهايه
اكيد الظلم يوم هيموت
هتتعبي الجراح في تابوت
وقطر الخوف هيرحل عنا
ويسبنا وحق قلوبنا هيقول توت
هنصرخ صرخه هتداوي
ألم مكبوت
ونتحرر من الجبروت
ويعلي الحق ويدوي
وايام السكوت هتموت
انا مؤمن بعروبتنا
اخوتنا ما ليها حدود
ده ياما زمان دي نصرتنا
وبكره هيرجع المعهود
يا اخويا يا اختي يا ابويا
أكيد الحق يوم هيعود
بقوتنا وصلابتنا يا أمي
نصرنا منشود
وكل الدنيا والعالم
هيبقوا لينا أحلي شهود
وصوت الحب يجمعنا
واسلامنا يسمعنا
تاريخ بطولتنا حضارتنا
أكيد هتسود