يا مصري ياللي اتنفض
بعد ما عاش مخنوق
30 سنه من الظلم
والشعب كان مسروق
أرضه وماله وعرضه
حتي الأمل ......مشنوق
مكنتش حالة غفلة
ولا حالة سكون
المصري دي طبيعته
بيسامح المجنون
ويقول اكيد هيفوق
ولشعبه مسيره يصون
أتاريه سايق العوج
ووشه ليه ميت لون
الشعب ياما اتحمل
وياما عدي وكمل
عدي كتير وقليل
عباره في بحر غرقت
ومات فيها ملايين
وقطر في طريقه اتقلب
واتعوجت الموازين
والمجلس اللي اتحرق
وكأنه حبة قش
اعلام من غير حكم
وصحافه واكله المش
وبلطجه انتخابيه
فاكرين الشعب كش
المصري ذي الطير
لكن ملوش ولا عش
هادي وطيب آه
بس في قفص ميعشش
يسكت سامح آه
لكن يخاف ميخافش
والطفل في بطن أمه
من الظلم صرخ وقال
العدل فينا هيرجع
صوته يهد جبال
والمستحيل معدوم
مهما صبرنا طال
جوه الميدان كان فيه
شيوخ مع أطفال
علما مع جهال
لكن كلهم.... فدا
للوطن..........أبطال
قالوا في الميدان عملا
وجبات في كل مكان
ورقص وهزل وضحك
في كل الأركان
لكن اللي فيه رجاله
مفيهومش ولا جبان
يصلوا لو يسمعوا
صوت الآذان
علي الحق يتجمعوا
وكل صعب أهه هان
صرخوا آه وسمعوا
وعلوا صوت الميدان
فقد عادت مصر بارادة
ودماء قلوب مصريه
وسنبقي جميعا لننادي
فلتحيا الروح العربيه
أرواح الشهداء ستأبى
يوما ان تصبح سلبيه
فالصقر المصري سيعلو
وسيقتل كل الحياتِ
في قلوب الأطفال أسود
تزئر دوما مصر حياتي
