عالم الكون غدارا
يفوق لحزن أتوارا
تتلاشي أخبار ساره
وتمحي كل الانوارا
عالم بالظلم قد فاح
احساس بالألم أباح
في القلب دموعا وجراحا
تيار الفرح قد مات
والعشق قد بات خباتا
والجرح طريق يتأتا
أنا والدنيا
أحزاني بحر يغمرني
وجراحي بألم تقتلني
احساس بغيب جاء
وعكر كل الاجواء
أنا والدنيا
وسلاح الفتك يلاحقني
ويراودني ويناغتني
ووحوش تركض في الغابه
في زمان امـلأ ديابه
هل حقا هو طبع لحياة
أم انه جرح وآهات
ام ان الدنيا هيهات
تقتلني وتسم ضحكات
أنا والدنيا
ودموع الحزن تملأني
وشجون تحفو اركاني
وكأن الجرح هيأني
لعدو يفتك بكياني
بيقولوا الحب اعمي
تصدقوا ده بجد
بيقولوا انه كمان
ما يفرق اي حد
بيقولوا انه النهايه
لكن والله بجد
هو اصلا بدايه
لفرحه ما ليها حد
انا عشتها وبنفسي
ايام ما تتعد
لكن اوحش ما فيه
ان الحلم بيتهد
في ثواني بلاقي نفسي
ماشي في سكه سد
وبلاقي العمر ضاع
حتي كمان الغد
وكانوا كمان بيقولوا
مين زيك ومين قد
حبيت اجمل ملاك
لكن عمري اتشد
اتشد للهلاك
قال ايه مين قدي قد
لما شفت عنيها
وكنا يد في يد
قالتلي نفترق
وقالتلي ملكش بد
قالتلي ده كان وهم
عشناه لابعد حد
ايوه خلاص ما جالي
عريس علي ايدي شد
وحط في ايدي خاتم
وكلام اصله بجد
خلاص بقي وسلام
معتش منك بد
قل ايه حب وكلام
ميجبش همه لحد
خلاص انسي زمان
وكلامي ده بجد
خلاص مفيش امان
ومعتش بنا ود
قلتلها خلاص كمان
انا قلبي ليا رد
خلاص هنسي الحنان
ده الحب طريقه سد
بحلم كتير انا من صبايا
الجرح ميعش معايا
بحلم وحلمي ادام عنيا
بيضيع ويموت بين ايديا
بحلم وخايف اصحي بكابوس
يدمر حياتي ويقتل نفوس
بحلم وحلمي محتاج فانوس
سحري ويقتل كل التيوس
لو قصير بحلم اكون طويل
لو صغير بحلم اكون كبير
لو بحب بحلم يدوم كتير
ولو عاشق يبقي اخترت المستحيل
بحلم اعيش من غير دموع
بحلم انور كل الشموع
بحلم واقول بصوت مسموع
حلمي اكيد مش ممنوع
بحلم شيطاني ده يموت
واحزاني تتعبي في تابوت
قبل ما قطر العمر يفوت
بحلم ان ضميري يفوق
ويحاسب نفسه ويروق
ويعيش من غير ابدا ما يدوق
عذاب الذنب ويعلي لفوق
بحلم ان الحزن يتوه
وكل احبابي كمان ينسوه
ويبقي الحزن كمان معتوه
بحلم لو مصحاش من النوم
ولو هصحي فلنفسي هلوم
لكن جرحي ده شيء معلوم
مهما النوم طال هو يدووم
راحوا في لحظه وهمسه
الاول كان امير
والتاني كان غفير
والتالت شيخ كبير
والرابع شاب صغير
والخامس ده الضمير
سالني اخويا وقال
متقولي ايه الحكايه
ايه قصة ده وده
وايه هي الروايه
اما الأول ياسيدي
كان لبلدنا الأمير
يظلم ده وده
وناسي الرب الكبير
يضحك بكل فيه
ويظلم ناس كتير
ويقول دي دنيا واحده
هعيشها انا سفير
هظلم ده وده
وهسرق ده وده
وفي طيارتي هطير
وقبل ما يجي الميعاد
سبقه رب العباد
والقبر كان المصير
اما بقي التاني
هي قصة غفير
عايش في الدنيا وحده
ويقول ويعلي صوته
مش فيه ابدا تغيير
يشوف حرامي يجري
ولا يصحى فيه ضمير
ويقول مالي وماله
خلي سره في بير
وفي يوم كان يا مكان
صاحبنا كان تعبان
علي بيته راح حرامي
ومسدسه كان عمران
قال ايه راح يسرقه
وفجأه شاف الحرامي
غفيرنا على السرير
قاله سيبني انا غلبان
ومش امير
جاي تسرق بيتي ليه
انا ليك ستر كبير
قاله ده كان زمان
وضربه بالرصاص
وسابه وذي زمان
يا فكيك
عشان يبقى في امان
اما التالت يا خويا
حكاية شيخ كبير
عاش وشاف كتير
مش عارف ماله ده
اتغر بعمره الطويل
مشفش اصحابه ماتوا
ولا هو عويل
يا شيخ مهما العمر طال
فدوام الحال محال
يا شيخ فات الآوان
والتوبه كان زمان
مش وقت طلوع الروح
يا روح ما بعدك روح
دلوقتي كلك جروح
يا شيخ خلاص بقي
القبرالملتقي
اما بقي يا سيدي
الرابع كان زميلي
شاب
في عمر جيلي
كان في الدنيا همه
شله ولمه حلوه
وكان لو حد زمه
يقول الدنيا حلوه
وكان بيقول كمان
ده زماني والمكان
هعيشه مهما كان
وحياتي انا هقضيها
وفي مرة قلتله
يا بني وفين صلاتك
قال ايه قالي دماغك
العمر لسه طويل
قلتله يا بني وبكره
محدش على فكره
عارف ايه الحال
قالي كبر....وعيش
ده كلام ميجبس همه
متشغلش بيه البال
وفجأه
سمعتهم بينادوا جريت
قالوا فلان ده مات
قلت ازاي وفين
قالوا كانت حريقه
وكان هو جوه البيت
أما الخامس يا اخويا
ضمير.........
ضمير فينا ومات
وجرح وذكريات
بنعصي بالساعات
ونفوق في الأزمات
هي الخلاصه........
زي ما قالوا زمان
خلاصة الحكايه
ان احنا مهما كان
مهما عشنا ومهما
طال بينا الزمان
هي كل الروايه
طريق من البدايه
معروفه ليه النهايه
