بحلم كتير انا من صبايا
الجرح ميعش معايا
بحلم وحلمي ادام عنيا
بيضيع ويموت بين ايديا
بحلم وخايف اصحي بكابوس
يدمر حياتي ويقتل نفوس
بحلم وحلمي محتاج فانوس
سحري ويقتل كل التيوس
لو قصير بحلم اكون طويل
لو صغير بحلم اكون كبير
لو بحب بحلم يدوم كتير
ولو عاشق يبقي اخترت المستحيل
بحلم اعيش من غير دموع
بحلم انور كل الشموع
بحلم واقول بصوت مسموع
حلمي اكيد مش ممنوع
بحلم شيطاني ده يموت
واحزاني تتعبي في تابوت
قبل ما قطر العمر يفوت
بحلم ان ضميري يفوق
ويحاسب نفسه ويروق
ويعيش من غير ابدا ما يدوق
عذاب الذنب ويعلي لفوق
بحلم ان الحزن يتوه
وكل احبابي كمان ينسوه
ويبقي الحزن كمان معتوه
بحلم لو مصحاش من النوم
ولو هصحي فلنفسي هلوم
لكن جرحي ده شيء معلوم
مهما النوم طال هو يدووم
الله يا دكتور
ردحذفاحلام كتير وجميلة
هو دا التفائل :)
جميلة جداا
يارب تحقق كل احلامك
تسلم
ميرسي يا دكتورة
ردحذفبجد نورتيني جدا جداااااااااااا
يارب نحقق احلامنا كلنا
واللي بتبدأ دلوقتي بالنجاح
بحلم اعيش الحياه من غير دموع.......تفتكر ينفع
ردحذفاحلام جميييييييييلة وكلمات بسيطه رائعه تسلم ايدك يادكتور.ورغم انى مؤمنة بأن الواقع كان فى يوم حلم الا ان صعب الواحد يعيش فى الحياه من غير دموع
اصبت تماما وعندك حق جداااااااااا
ردحذفبس ممكن نخلي الدموع دي بس دموع الفرحه والله
انا مؤمن بان كل بداية حلم ولولا الحلم لما استمرينا في
الحياة فنحن فقط سنحلم ونري المثاليه في أحلامنا
فان لم نعاصرها في دنيانا نسأل الله انا نعاصرها
في آخرتنا
ميرسي جدا جداااااااااا لمرورك الكريم
غصب عنك يادكتور لازم تلاقى دموع حزن لان الدنيا كده يوم فرح ويوم حزن اه صحيح كل واحد فينا لازم يحلم ومش بس يحلم لا ولازم يؤمن بحلمه كمان لان ايمانه بيه هو اللى هيوصله ليه. وعلى اد مانا مؤمنه بان مفيش حاجه اسمها مستحيل الا ان حلم انك تعيش من غير دموع ده اشبه بالمستحيل لان لو انت قدرت تخلق لنفسك الجو اللى تعيش فيه سعيد من غير دموع فمن الصعب ان تخلق لغيرك نفس الجو ومتهيالى صعب على الانسان ان يعيش فى جو من غير دموع وهو شايف اللى حواليه متألمين . على فكره يادكتور والله دى مش فلسفه منى بس انا فعلا بشوف الدنيا كده وسعيده جدا ان لسه فى حد زى بيؤمن بالمثاليه واسفه على الاطالة
ردحذف(youya) معلشى نسيت امضى المره اللى فاتت
والله يا دكتورة لولا الدموع ما وجدت السعاده انا مؤمن جدا جدااااااا بكل كلة قولتيها وانا اللي اقصده
ردحذفاننا ممكن نحجم أحزاننا نقللها ونحجم أحزان اللي حولينا ممكن نفضل نحلم وحتي الألم نتلقاه بصدر رحب انا عارف ان الكلام أسهل من الفعل لكن ذي ما اتفنا لا وجود للمستحيل