بخاف من الدنيا

بخاف من الدنيا
والعالم
بخاف من الناس
براءة خداع
فرح وضياع
مفيش احساس
ومش عارف أميز
ما بين طيب
وبين شرير
بعدنا كتير
وفرقنا عالم
كبير
غرقنا جوه
 أحزاننا
بدون تفكير
خلاص مفيش
في أجسامنا
مكان لضمير
ولا جوانا
حتي.....
.....سبيل
لقلب يعيش
يكون نبضه
سلام أو خير

وناس بتقول
هنتغير
كلام وخلاص
بتنسي ان
من الآخره
مفيش خَلاص
بتنسي تعيش
لرسالتنا
في دنيتنا
ومش بتفكر
لو لحظه
في آخرتنا
يا ناس بقي
كفايه جراح
وآلام
كفايه نعيش
بقي في ماضي
من الأوهام
ويلا يكون لنا
بدايه من الأحلام
ودنيا جديده
وشعارها
يكون اسلام
بتِّحيا بيه أرواحنا
ولما ننام
نلاقي سلام
في دنيتنا
ومفيش أحزان
سلاحنا مش بقوتنا
ده بالقرآن
ودعوه
من قلوب صافيه
الي الرحمن
ومهما يكون
 هنتغير
ومهما كان
وهو شعار
بسنتنا وبالقرآن
هنعلي ونعلي
فوق أكتر
بدون حسبان