بحبك يا صاحبي

بحبك يا صاحبي عشان حته مني
سامحني واسامحك واوعي تخاصمني
ولو زعلان عاتبني
 واياك تسبني
 ده انا مهما كان بحبك لاني
 بهواك يا صاحبي وده غصب عني
بحبك وانت كده ذي ما انت
بحبك كأني انا هو انت
بحبك كمنك من زمان وصاحبي
عاتبني واعاتبك
صالحني واصالحك
واياك يا صاحبي تيجيني في يوم
ولو غصب عنك
وتزعل في يوم وتبكي للحظه
ومن غير ما أشاركك
في فرحك فاكرني
وناسيني في جرحك
أنا هو أنت
ومش راح اسامحك
لو زعلت مني
يبقي بسرعه لومني
يا صاحبي كفايه
أنا وقت فرحك هكونلك سعيد
وفي وقت جرحك نكون ايد في ايد
نعدي الصعاب ونجلد هموم
ولازم دموعنا دي لازم تهون
لاني ولانك مع بعض دايما
هتبقي الحياة دي فرحه ودايما
هننسي الدموع وجنه نعيشها
وبستان ربيع وورد وفارشها
ويبقي الجحيم بعيد عن طريقنا
ولازم يا صاحبي نختار فريقنا
ونبقي في جنة الرب خالقنا
ذي ما قال حبيبنا ورسولنا
اتنين يا صاحبي والرب حاببنا
والخير يا صاحبي دايما صاحبنا