رغيف العيش يا تاعبني
مغلبني.........معذبني
عشانك بصحي من بدري
واقوم والنوم هيغلبني
بقاومه و أقوم أنا أجري
ده هم والله وصايبني
وفي الطابور انا بكافح
كفاح شرفاء مهذبني
وبتعرف علي حكاوي
هموم الناس تشيبني
بحور الحزن بسمعها
ومن الواقع تغيبني
لكن بفوق وارجع
ودنيا تاخدني وتجيبني
وهدفي لسه في دماغي
هموم الناس دي هتسيبني
فلوسي ماسكها في ايديا
وبعنيا شايف الطابور
رغيف العيش بيتحرك
وعينيا تلف تدور
هجيبه مهما راح يحصل
ولو حطوا عليا ساطور
ده انا من الصبح وانا واقف
ولا كأني واقف في مرور
وجه دوري خلاص قرب
بقيت واقف علي الشباك
لقيت العامل بينادي
يا اخ انت هنا وهناك
خلاص شطبنا قفلنا
علي بيوتكم يلا باك
وانا واقف كده ومذهول
وشو بيقول ها المخبول
وهرجع بيتي انا ازاي
وايه لاخواتي انا راح أقول
بقيت اجري كما المسطول
واقول والله دي مش أصول
هروح البيت انا ازاي
ولا برغيف ده مش معقول
وابويا ينادي ويزعق ويصرخ
فيا آه ويقول
رجعت بخيبتك يا غالي
واكسنا يا واد كده علي طول
واكسنا يا واد كده علي طول
ماشاء الله ....رائعــة يا دكتور...ربنا يزيدك
ردحذفاستمر
ميرسي جدا يا دكتورة
ردحذفالأروع مرورك
نورتيني جدا جداااااااااااا
ههههههههههههههه
ردحذفما شاء الله اول مرة اعرف ان رغيف العيش بيطلع مواهب
جميلة جداا جدااا يا دكتور
وخاصة اللهجة بتاع شو بيقول هاالمخبول
هههههههه بحبها اوى اللهجة دى
تسلم ايدك يا دكتور
ومعلش ده حال مصر والمصريين
هههههههه ده حال الدنيا وان شاء الله الجاي أحسن
ردحذفبجد نورتيني جدا واناك كمان بحب هيدا اللهجه كتير
عن جد نورتيني كتيييييييييير