كل وردة
جوة بستان
كل ضحكه
رسمها فنان
كل نسمة
عطرها جنان
كل همسه
وكل لمسه
ودنيا كلها
ألوان
أمل مرسوم
ومليان
بالعطور
ورده جميلة
ترقص وسط
الزهور
احساس غريب
محستوش انا
من زمان
احساس جميل
وعشق بيزيد
في الأمان
ايه ده يكون
ده اكيد جنون
حب وامل
فرح وحياة
وجمال ومن
كل لون
يا تري ده ايه
وسط ايامنا
اللي عايشيناها
وسط احلامنا
اللي تايهه
ومش لاقينها
شفت ابتسامه
من طفل
صغير بريء
لسه بيضحك
والحزن
ملوش طريق
شفت ناس
ماشيه بتحكي
في حكايات
ناس بتضحك
وجواها آهات
شفت شاب
وساب مكانه
لشيخ كبير
شفت ام
وتدعي لابنها
وتقول
ربك كبير
رغم كل
اللي شفته
وبشوفه كل يوم
رغم جرح
بعيشه وتيار
من الهموم
ضحكه من
ناس بريئه
بسمه بتنسي
الحقيقه
هقول واقول
لسه الدنيا بخير
لسه الامل موجود
لسه مكان لطير
يطير لابعد حدود
لسه ولسه هنحلم
والحلم ليه وجود
ليست هناك تعليقات:
إرسال تعليق